НУ Кітапханасы Қазақстан Республикасының университет кітапханалары қауымдастығымен бірлесе отырып, кітапхана қызметкерлері мен ақпараттық ғылым мамандарын Еуразиялық академиялық кітапханалар тренингі (ЕАКТ) қатысуға шақырады. Еуразиялық кітапханалық тренинг Кітапханалық технологиялар мектебінің (КТМ) жетілдірілген және кеңейтілген бағдарламасы болып табылады. Тренинг кітапхана қызметі саласындағы мамандардың білімі мен кәсіби құзыреттілігін дамытуға және жетілдіруге бағытталған. Жаңа инновациялық бағдарлама ҚР академиялық кітапханалары қызметкерлерінің ақпараттық және кәсіби қажеттіліктерін қамтиды.
Назарбаев Университетінің Кітапханасы ИФЛА Кітапхана қауымдастығы басқармасымен бірлесе отырып, Қазақстан Республикасы Ғылым және жоғары білім министрлігі мен Қазақстан Республикасы Жоғары оқу орындарының кітапханалар қауымдастығы қолдауымен кітапхана және ақпарат мамандарын 13-ші Еуразиялық академиялық кітапханалар конференциясына шақырады.
“Кітапхана қауымдастығы басқармасы” ИФЛА секциясымен ынтымақтастық әлемнің түкпір-түкпірінен көптеген кітапхана жетекшілері мен мамандарын тартты. Конференция сонымен қатар өз тәжірибелері мен идеяларымен бөлісуге дайын көрнекті негізгі спикерлерге арналған алаң ұсынады.
Біз сіздерді Астана қаласында қарсы алуға қуаныштымыз.
«ЖОО КІТАПХАНАСЫНЫҢ ҚАЗІРГІ ӘЛЕМДІК ДАМУ ТЕНДЕНЦИЯЛАРЫ» Конференция «Қазақ ұлттық қыздар педагогикалық университетінің» КЕАҚ 80-жылдығына орайластырылған 2024 жылдың басты тақырыбы: «Қазіргі кітапхана – ЖОО-ның ақпараттық-кітапханалық қызмет көрсету сапасының кепілі»
Назарбаев Университетінің Кітапханасы ИФЛА Кітапхана қауымдастығы басқармасымен бірлесе отырып, Қазақстан Республикасы Ғылым және жоғары білім министрлігі мен Қазақстан Республикасы Жоғары оқу орындарының кітапханалар қауымдастығы қолдауымен кітапхана және ақпарат мамандарын 13-ші Еуразиялық академиялық кітапханалар конференциясына шақырады.
“Кітапхана қауымдастығы басқармасы” ИФЛА секциясымен ынтымақтастық әлемнің түкпір-түкпірінен көптеген кітапхана жетекшілері мен мамандарын тартты. Конференция сонымен қатар өз тәжірибелері мен идеяларымен бөлісуге дайын көрнекті негізгі спикерлерге арналған алаң ұсынады.
Біз сіздерді Астана қаласында қарсы алуға қуаныштымыз.
Конференция тақырыбы:“Байланыс, ынтымақтастық және құрастыру: мамандығымыздың болашағын қамтамасыз ету үшін кітапханалық бірлестіктер мен серіктестіктерді дамыту”.
Академиялық Кітапханалардың 12-ші Еуразиялық Конференциясы 2023 жылғы конференция тақырыбы “Білім 5.0: Академиялық кітапханалар алдындағы қиындықтар мен перспективалар” (Назарбаев Университеті, Астана, Қазақстан, 19-20 қазан 2023)
Қазақстан Республикасы Жоғары оқу орындары кітапханаларының қауымдастығы, Қазақстан Республикасы Ғылым және жоғары білім министрлігі мен Назарбаев Университетінің кітапханасы сіздерді 2023 жылдың 19-20 қазан аралығында Назарбаев Университетінде (Астана, Қазақстан) өтетін “Білім 5.0: Академиялық кітапханалар алдындағы қиындықтар мен перспективалар” атты Академиялық Кітапханалардың 12-ші Еуразиялық Конференциясына (АКЕК-2023) қатысуға шақырады.
2023 жылдың конференциясы сандық трансформацияны әлеуметтік трансформация құралына айналдыру және денсаулық пен қауіпсіздікті жоғарылата отырып қоршаған ортаға аз әсер етуді ынталандыру үшін әлеуметтік және эмоционалдық қабілеттерді қоса алғанда, оқуға неғұрлым адами көзқарасқа арналған жаһандық білім беру дамуының жаңа кезеңі ретіндегі “Білім 5.0” жаратылысын қамтамасыз ету үшін академиялық кітапханалардың идеялары, білім және тәжірибелерімен алмасу алаңы болмақ. Конференция көрнекті зерттеушілер мен қызықты спикерлердің ауызша баяндамалары арқылы ғылыми пікірталасының, конструктивті идеялар алмасуының және озық тәжірибелерімен бөлісетін ортасы болмақ.
Біз сондай-ақ көрмеге қатысушылар ретінде әлеуетті демеушілерді шақырамыз. Көрме қатысушысы ретінде сіз пайдаланушылар мен осы саладағы шешім қабылдаушы тұлғалардың назарына ілініп, тікелей маркетинг мүмкіндіктерін пайдалана аласыз. Конференция демеушілері үшін «қоладан» «алтынға» дейінгі әр түрлі санаттағы демеушілік пакеттері ұсынылады. Демеушілік мүмкіндіктері туралы толығырақ ақпаратты EALC 2023 веб-сайтынан білуге болады.
Ұйымдастырушы комитет Астанадан тыс аймақтардағы қазақстандық кітапханашыларға конкурстық негізде екі (2) грант мүмкіндігін ұсынуда. Бұл грант туралы көбірек білу үшін EALC веб-сайтына кіріңіз.
Қазақстан Республикасы Жоғары оқу орындары кітапханаларының қауымдастығы, Қазақстан Республикасы Ғылым және жоғары білім министрлігі және Л.Н.Гумилев атындағы Еуразия ұлттық университеті Cіздерді “ЖОО кітапханасын дамытудағы заманауи әлемдік трендтер. 2023 жылдың тақырыбы: Университеттің әлемдік ғылыми кеңістікке интеграциялануындағы академиялық кітапханалардың рөлі” атты ХІ Халықаралық ғылыми-практикалық конференцияға шақырады. Конференция 2023 жылғы 27-28 сәуірде Л.Н.Гумилев атындағы Еуразия ұлттық университетінің базасында өтеді. (Астана қ., Қазақстан)
Биылғы Конференция академиялық кітапханаларды дамытудың өзекті мәселелерін талқылауға, ақпараттық-кітапханалық және ғылыми-білім беру ортасында тәжірибе мен білім алмасудағы алаң болуға арналған
Талқылауға келесі мәселелер ұсынылады:
университеттің әлемдік ғылыми кеңістікке интеграциялануындағы академиялық кітапханалардың рөлі (ғылымиметрия, библиометрия, ашық деректер және ғылыми басылымдар);
ҚР ҒЖЖБМ жаңа нормативтік-құқықтық құжаттары;
кітапхана ісі бойынша халықаралық стандарттар;
кітапхананың цифрлық ортаны дамытудағы рөлі;
кітапханаларды дамытудың инновациялық модельдері;
үздіксіз кітапханалық білім;
Конференция шеңберінде Қазақстан Республикасы Жоғары және жоғары оқу орнынан кейінгі білім беру ұйымының (бұдан әрі-ЖЖОКБҰ) кітапхана басшыларына ҚР ҒЖЖБМ бастамасымен нормативтік-құқықтық құжаттарды (КВТ, МЖМБС, бұйрықтар және т. б.) түсіндіру бойынша семинар өтеді.
Конференция бағдарламасы ҚР ЖОО кітапханалары қауымдастығының сайтында мына мекенжай бойынша орналастырылады: http://ulark.kz,
Конференцияның жұмыс тілдері – қазақша, орысша, ағылшынша
Білімге және Кітапханаларға Ашық Қолжетімділік: Жетістіктер мен Тенденциялар
Қазақстан Республикасы Жоғары оқу орындары кітапханаларының қауымдастығы мен Назарбаев Университеті нің кітапханасы Сіздерді 2022 жылдың 27-28 қазан аралығында Назарбаев университетінде (Нұр-Сұлтан, Қазақстан) өтетін “Білім мен кітапханаларға ашық қолжетімділік: жетістіктер мен трендтер” Академиялық кітапханалардың 11-ші Еуразиялық конференциясына (АКЕК-2022) қатысуға шақырады.
Биылғы конференция білімге ашық қолжетімділіктің қазіргі жағдайын (Ашық ғылым, Ашық білім беру ресурстары, Ашық қолжетімді технологиялар және т.б.), білімге ашық қолжетімділікті ілгерілетудегі университет кітапханаларының рөлі мен міндеттерін көрсетеді, сондай-ақ осы саладағы ықтимал жаһандық перспективаларды талқылайды. Конференцияға көрнекті зерттеушілер мен қызықты баяндамашылар қатысады. Ол ауызша баяндамалар арқылы ғылыми пікірталастар, конструктивті ақпарат және озық тәжірибе алмасу алаңы болмақ. Сонымен қатар, кітапханалар мен кітапхана мамандары үшін ашық қолжетімділік мәселелеріне қатысушыларды тарту үшін бірқатар арнайы семинарлар өтеді.
Конференцияның жұмыс тілдері – ағылшын, орыс, қазақ.
Конференцияның әлеуетті демеушілері ақпараттық өнімдерді, құралдарды және ресурстарды Қазақстандағы және шет елдердегі жоғары оқу орындарының пайдаланушылары мен жетекшілері арасында ілгерілету мақсатында көрмеге қатысуға шақырылады. Конференция демеушілері үшін «қоладан» «платинаға» дейін әр түрлі санаттағы демеушілік пакеттер ұсынылады.
Спикерлерге
Қазіргі уақытта ашық қолжетімділік академиялық және қоғамдық кітапханаларда үлкен рөл атқарады. Ашық қолжетімділік репозиторийлері, ашық қолжетімді журналдар, ашық қолжетімді білім беру ресурстары, зерттеу этикасы, ақпараттық сауаттылық және ашық қолжетімді ғылыми жарияланымдар қазіргі заманғы конференциялар мен семинарларда ең көп талқыланатын тақырыптардың бірі болып табылады.
Бағдарлама комитеті келесі мәселелерді талқылау үшін осы саладағы көрнекті сарапшыларды шақырады:
1. Ашық қолжетімділік, ашық деректер және ашық білім беру ресурстары (ашық деректер репозиторийлері, ашық деректерді басқару және т.б.);
2. Ашық ғылымдағы зерттеу этикасының мәселелері (ғылыми этика, ақпараттық сауаттылық және зерттеуді электронды қамтамасыз ету және т.б.);
3. Ашық қолжетімді ғылыми жарияланымдар және авторлық құқықтар;
4. Кітапханалардағы ашық қолжетімділіктің технологиялық үрдістері;
5. Халық арасында ғылымды насихаттауға кітапханалардың қатысуы.
Конференция соңында Қазақстан Республикасы ЖОО кітапханалары қауымдастығы мүшелерінің жалпы жиналысы өтеді.
Біз сізді 2022 жылы Нұрсұлтан Назарбаев университетінің кітапханасында асыға күтеміз!
Тіркеуге өтінім берген барлық қатысушылар тіркеу жарнасын төлеуге тиіс.
Сұрақтарыңыз бен ұсыныстарыңызды ealc@nu.edu.kz электронды поштасына жіберіңіз.
“Жоғары оқу орындары кітапханаларының заманауи әлемдік дамуындағы үрдістері”
Құрметті әріптестер! Сіздерді 2022 жылғы 5 және 6 мамырда өтетін «Жоғары оқу орындары кітапханаларының заманауи әлемдік дамуындағы үрдістері» атты X – халықаралық ғылыми-тәжірибелік конференцияға қатысуға шақырамыз. Конференцияға тіркелу: [Тіркеу]
