Білімге және Кітапханаларға Ашық Қолжетімділік: Жетістіктер мен Тенденциялар

Білімге және Кітапханаларға Ашық Қолжетімділік: Жетістіктер мен Тенденциялар

Қазақстан Республикасы Жоғары оқу орындары кітапханаларының қауымдастығы мен Назарбаев Университеті нің кітапханасы Сіздерді 2022 жылдың 27-28 қазан аралығында Назарбаев университетінде (Нұр-Сұлтан, Қазақстан) өтетін “Білім мен кітапханаларға ашық қолжетімділік: жетістіктер мен трендтер” Академиялық кітапханалардың 11-ші Еуразиялық конференциясына (АКЕК-2022) қатысуға шақырады.

Биылғы конференция білімге ашық қолжетімділіктің қазіргі жағдайын (Ашық ғылым, Ашық білім беру ресурстары, Ашық қолжетімді технологиялар және т.б.), білімге ашық қолжетімділікті ілгерілетудегі университет кітапханаларының рөлі мен міндеттерін көрсетеді, сондай-ақ осы саладағы ықтимал жаһандық перспективаларды талқылайды. Конференцияға көрнекті зерттеушілер мен қызықты баяндамашылар қатысады. Ол ауызша баяндамалар арқылы ғылыми пікірталастар, конструктивті ақпарат және озық тәжірибе алмасу алаңы болмақ. Сонымен қатар, кітапханалар мен кітапхана мамандары үшін ашық қолжетімділік мәселелеріне қатысушыларды тарту үшін бірқатар арнайы семинарлар өтеді.

Конференцияның жұмыс тілдері – ағылшын, орыс, қазақ.

[ Конференция сайты ] [ Тіркеу ]

Конференцияның әлеуетті демеушілері ақпараттық өнімдерді, құралдарды және ресурстарды Қазақстандағы және шет елдердегі жоғары оқу орындарының пайдаланушылары мен жетекшілері арасында ілгерілету мақсатында көрмеге қатысуға шақырылады. Конференция демеушілері үшін «қоладан» «платинаға» дейін әр түрлі санаттағы демеушілік пакеттер ұсынылады.

Спикерлерге

Қазіргі уақытта ашық қолжетімділік академиялық және қоғамдық кітапханаларда үлкен рөл атқарады. Ашық қолжетімділік репозиторийлері, ашық қолжетімді журналдар, ашық қолжетімді білім беру ресурстары, зерттеу этикасы, ақпараттық сауаттылық және ашық қолжетімді ғылыми жарияланымдар қазіргі заманғы конференциялар мен семинарларда ең көп талқыланатын тақырыптардың бірі болып табылады.

Бағдарлама комитеті келесі мәселелерді талқылау үшін осы саладағы көрнекті сарапшыларды шақырады:

1. Ашық қолжетімділік, ашық деректер және ашық білім беру ресурстары (ашық деректер репозиторийлері, ашық деректерді басқару және т.б.);

2. Ашық ғылымдағы зерттеу этикасының мәселелері (ғылыми этика, ақпараттық сауаттылық және зерттеуді электронды қамтамасыз ету және т.б.);

3. Ашық қолжетімді ғылыми жарияланымдар және авторлық құқықтар;

4. Кітапханалардағы ашық қолжетімділіктің технологиялық үрдістері;

5. Халық арасында ғылымды насихаттауға кітапханалардың қатысуы.

Конференция соңында Қазақстан Республикасы ЖОО кітапханалары қауымдастығы мүшелерінің жалпы жиналысы өтеді.

Біз сізді 2022 жылы Нұрсұлтан Назарбаев университетінің кітапханасында асыға күтеміз!

Тіркеуге өтінім берген барлық қатысушылар тіркеу жарнасын төлеуге тиіс.

Сұрақтарыңыз бен ұсыныстарыңызды ealc@nu.edu.kz электронды поштасына жіберіңіз.

Құрметті әріптестер!

Қазақстан Республикасының жоғары оқу орындары кітапханаларының қауымдастығы Л.Н.Гумилев атындағы Еуразия ұлттық университеті және Қожа Ахмет Яссауи атындағы Халықаралық қазақ-түрік университетімен бірлесіп Сіздерді “Жоғары оқу орындары кітапханасының дамуындағы заманауи әлемдік үрдістер” атты мерейтойлық X-Халықаралық ғылыми-тәжірибелік конференцияға шақырады.
Конференция 2022 жылдың 5-6 мамырында гибридті форматта өтеді. Өтетін орны: Түркістан қаласы, Қ.А.Яссауи атындағы ХҚТУ Ғылыми кітапханасы.
Конференцияға кітапхана ісі саласындағы қазақстандық және шетелдік мамандар, инклюзия, жетекші баспалар мен электронды ресурстар агрегаторларының өкілдері қатысады.
Конференция барысында қазіргі заманғы ұрпақтың АКАЖ мүмкіндіктерін пайдалану негізінде электрондық кітапханалар мен жүйелерді құру бойынша тренингтер өткізіледі және жоғары оқу орындарының оқу және ғылыми-зерттеу қызметін қолдау үшін электрондық ақпараттық-білім беру ресурстарының орны мен маңызын анықтау мәселелері қаралады.
Конференция бағдарламасы ҚР ЖОО кітапханалары қауымдастығының сайтында орналастырылады: http://ulark.kz/
Конференцияның жұмысы – қазақ, орыс, ағылшын тілдерінде.
Конференцияға тіркелу мына сілтеме бойынша жүргізіледі: https://docs.google.com/forms/d/e/1FAIpQLSeFBcW1gyJS2E5a9edWYkVAimb_s7vhvPzAnaAQQIyexZRNcg/viewform

Үйлестірушілері: Иржанова Гүлжан Жеңісбекқызы, “Қазақстан Республикасы Жоғары оқу орындары кітапханаларының қауымдастығы” ҚБ президенті, Дулати университетінің Ақпараттық-кітапхана орталығының директоры (Тараз қ.) ұялы тел. + 7(701)3286050: ulark.edu.kz@gmail.com; Оразалиев Бахытжан Әсетілдаұлы, Л.Н.Гумилев атындағы ЕҰУ ғылыми кітапханасының директоры

Наурыз мерекесі құтты болсын!!!

Сіздерді Наурыз мерекесімен құттықтаймын!
Наурыз – көктем мерекесі, жаңа өмірдің бастауы. Бұл күні Сіздерге және жақындарыңызға шын жүректен бейбітшілік, бақыт, амандық, береке мен тұрақтылық тілеймін! Жасампаздықтың, сұлулық пен махаббаттың қуатын шашатын Наурыз халқымыздың мәдениеті мен салт-дәстүрінің ұлылығын көрсетеді.

Жаңа жылдарыңызбен!

Сіздерді Жаңа жылмен шын жүректен құттықтаймыз! Жаңа жылда жағымды жаңалықтар мен телегей табыстар мол болсын! Әрбір игі істеріңіз бен жаңа бастамаларыңызға сәттілік серік болып, отбасыларыңызға баянды бақыт пен бақ-береке келсін!

Қазақстан Республикасының Тәуелсіздік күнімен!

16 Желтоқсан Қазақстан Республикасының Тәуелсіздік күні құтты болсын! Тәуелсіз елімізде тыныштық, бейбітшілік болсын! Баршаңызға аманшылық, береке-бірлік, жасампаз еңбек, толағай табыстар тілейміз.

Академиялық кітапханалардың X Еуразиялық конференциясына шақыру (онлайн)

Құрметті әріптестер! Назарбаев Университетінің кітапханасы және Қазақстан Республикасы жоғары оқу орындары кітапханаларының қауымдастығы Сіздерді 2021 жылғы 29-30 маусым аралығында жоғары білім көшбасшыларының Еуразиялық форумы (EHELF) аясында өтетін «Академиялық кітапханаларда ақпаратты ұйымдастырудың заманауи бағыттары» атты Академиялық кітапханалардың X Еуразиялық конференциясына (АКЕК-2021) қатысуға шақырады. Биылғы жылы конференция бүкіл әлемнің кітапханалары ақпаратты ұйымдастыру қағидаттары мен стандарттарын енгізу тәжірибесімен алмасатын, сондай-ақ осы саланың дамуындағы жаңа бағыттарды ұсынатын алаңға айналуға бағытталған. Конференция сонымен қатар технологияларды қолдануға қатысты деректерді басқару туралы білім алмасуға ықпал етеді.
Конференцияға тіркелу

Наурыз мерекесі құтты болсын!

Табиғат, жер-дүниенің жаңарып, жасанатын көктем мезгілінің ұлы мерекесі– Наурыз құтты болсын! Наурыз баршамызға ынтымақ пен сәттілік алып келсін! Әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын!